تسجيل
 
 
 
 
عن شيف مصر
مساحة إعلانية | اعلن على شيف مصر
عن شيف مصر
فى بداية الأمر, نحن لا نقول لكم أننا متميزون أو نقدم ما لا يقدمه أى موقع أخر, لا فهناك العديد والعديد من المواقع التى تتميز بعرض نفس الخدمه وتقدم الكثير والكثير من الوصفات, ولكن ما كنا نبحث عنه كفريق عمل لهذا الموقع, هوه أن نقدم الوصفات بشكل سهل وبسيط, وأن تتضمن الوصفه كل التفاصيل اللى ممكن تحتجيها أثناء إعدادها.

أيضا من خلال تفاصيل كل وصفه ممكن أن تجدى الصورة الخاصه بالوصفه وفيديو الوصفه إن أمكن وجوده لأشهر الشيفات فى الوطن العربى, وده عشان تقرأى تفاصيل الوصفه من ناحية, وكمان تقدرى تشاهدى طريقه عملها أونلاين من ناحيه أخرى.

أيضا ممكن وأحنا بنتصفح الموقع نلاقى قسم الصحة والطبيعه واللى بيمتاز بعرض كل الوجبات والأصناف الصحيه والخفيفه, واللى أكيد بيحتجلها الجسم الرياضى, أو أصحاب عمل الرجيم, أو اللى بيعانوا من أمراض السكر وغيرها وبالتالى يجب عليهم أن يتناوله وجبات معينه, فمن خلال هذا القسم ممكن تلاقى وتستفيد(ى) من كل الوصفات الصحية اللى موجوده فيه.  

ولما نريد أن نقوم بعمل وصفه معينه, ماتتبعيش نفسك وتدورى عليها وسط المئات والألاف الوصفات اللى موجوده فى الموقع, لكن بمجرد إنك تكتب(ى) إسم الوصفه فى مربع البحث اللى موجود فى أعلى الصفحة وتضغطى على زرار البحث, هتلاقى كل الوصفات المتعلقه بكلمة البحث اللى كتبتيها ومنها تقدرى تكملى وتابعى وصفاتك المفضله بكل سهوله.

وكمان نقدر وإحنا بنشاهد ونتابع الوصفات, نعمل لايك أو نقيمها على حسب درجة إعجابنا بيها, والميزه من ده إنك بكده بتخلى وصفاتك المفضله أولى مقدمة الوصفات لما بيزيد التقييم الخاص بيها, وكمان إحنا فى إدارة الموقع بنتابع أول بأول الوصفات اللى عجبتك وبنبعتلك على الميل كل فتره قائمة بكل الوصفات المتعلقه والمشابهة لنوعية الوصفات والأطباق اللى بتحبى تتبعيها بإستمرار عندنا.

وممكن نلاقى فى قسم الميديا كل أنواع الفيديوهات لمختلف أنواع الوصفات والأكلات, إدخل(ى) وتابعى كل الوصفات اللى بتحبيها من خلال هذا القسم, وفى قسم نصائح والفوائد بنقدملك نصاائح عامة للمطبخ ولإعداد الطعام وفوائد الطعام الصحى ومن جانب أخر بنقدملك نصائح الشيف الموجودين حول العالم كله فى فن المطبخ.

وفى قسم المقالات هتلاقى كل الأخبار المتعلقه بالطبخ العربى حول العالم, وبالنسبه لألبوم الصور فمنه تقدر(ى) تتابعى ألبومات شيف مصر الخاصه إما بوصفه معينه أو بقسم معين فى الموقع أو بشعبة أكلات معينه.

وفى قسم مقاييس واوزان بنقدمهولك عشان تقدرى تتعرفى كل كل المقاييس والأوزان بمتخلف أنواع القياس بالكليو, وبالجرام, وبالرطل, وغيرها غيرها من المقاييس.

وفى قسم ال قاموس الطبخ بنقدملك فيه كل مفاهيم المطبخ حول الوطن العربى وأسماء الوصفات فى كل دوله ومدينه فى الوطن العربى وده عشان تبقى عارفه إسم كل وصفه وكل طبق من بلد وأخر, وأكيد ده هينفعك أثناء سفرك لأى بلد, لإنك بكده هتبقى عارف(ه) أسم الوصفات فى كل بلد.

 

وكمان خلال كل شهر بنقدر نقدملك ألبوم الشهر, واللى فيه بيضم أهم الوصفات اللى عجبت زوار الموقع واللى حققت أكبر نسبة مشاهدة, وبنعرضهولك فى ألبوم صور جميل وشيق.

 

وأخيرا, فريق عمل شيف مصر يتمنى لكل زوارة وأعضاءة المشاهدة الطيبه والتمتع بما يقدمه الموقع من وصفات ونصائح وخدمات تخص المطبخ وتهم كل ست بيت عربيه, دمتم على خير دائما, وكل عام وأنتم بخير.

مساحة إعلانية | اعلن على شيف مصر
مساحة إعلانية | اعلن على شيف مصر
القائمة البريدية
لتصلكم نشرة بأشهى وأحدث الوصفات, اشتركوا في النشرة البريدية!
 
شيف مصر © 2012, كل الحقوق محفوظة
أحد مواقع شركة آي بي إل ميديا إنك للتكنولوجيا

عن شيف مصر

 

اتصل بنا

 

اعلن معنا

الصفحة الرئيسية

 

مسابقة شيف مصر

 

تابعنا على فيسبوك